ਕਬੇਕ ਪ੍ਰੀਮੀਅਰ ਨੇ ਬਲਾਕ ਕਬੇਕੂਆ ਨੂੰ ਟਰੂਡੋ ਸਰਕਾਰ ਨੂੰ ਹਟਾਉਣ ਵਿੱਚ ਮਦਦ ਕਰਨ ਦੀ ਅਪੀਲ ਕੀਤੀ

ਕਬੇਕ ਪ੍ਰੀਮੀਅਰ ਨੇ ਬਲਾਕ ਕਬੇਕੂਆ ਨੂੰ ਟਰੂਡੋ ਸਰਕਾਰ ਨੂੰ ਹਟਾਉਣ ਵਿੱਚ ਮਦਦ ਕਰਨ ਦੀ ਅਪੀਲ ਕੀਤੀ। ਕਿਊਬਿਕ ਦੇ ਪ੍ਰੀਮੀਅਰ ਫ੍ਰੈਂਸਵਾਰ ਲੀਗੌ ਨੇ ਬਲਾਕ ਕਬੇਕੂਆ ਨੂੰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਸਰਕਾਰ ਨੂੰ ਡੇਗਣ ਅਤੇ ਚੋਣ ਸ਼ੁਰੂ ਕਰਨ ਲਈ ਕੰਜ਼ਰਵੇਟਿਵ ਮੋਸ਼ਨ ਦਾ ਸਮਰਥਨ ਕਰਨ ਦੀ ਅਪੀਲੀ ਕੀਤੀ ਹੈ। ਲੀਗੌ ਨੇ ਦਲੀਲ ਦਿੱਤੀ ਕਿ ਟਰੂਡੋ ਨੇ ਕਬੇਕ ਦਾ ਨਿਰਾਦਰ ਕੀਤਾ ਹੈ ਅਤੇ ਇਮੀਗ੍ਰੇਸ਼ਨ ਸਮੇਤ ਸੂਬਾਈ ਮੁੱਦਿਆਂ ਨੂੰ ਨਜ਼ਰਅੰਦਾਜ਼ ਕੀਤਾ ਹੈ। ਇਸ ਦੌਰਾਨ ਅਪੀਲ ਦਾ ਜਵਾਬ ਦਿੰਦਿਆਂ ਬਲਾਕ ਕਬੇਕੂਆ ਨੇ ਲੀਡਰ ਯੀਵਸ-ਫ੍ਰੈਂਸਵਾ- ਬਲੈਂਕੇਟ ਨੇ ਲੀਗੌ ਦੀ ਪਟੀਸ਼ਨ ਨੂੰ ਰੱਦ ਕਰ ਦਿੱਤਾ, ਇਹ ਕਹਿੰਦੇ ਹੋਏ ਕਿ ਉਹ ਆਪਣੇ ਫੈਸਲੇ ਦੇ ਅਧਾਰ ‘ਤੇ ਕਾਰਵਾਈ ਕਰਨਗੇ। ਜਾਣਕਾਰੀ ਮੁਤਾਬਕ ਬਲੈਂਕੇਟ ਨੇ ਲਿਬਰਲ ਸਰਕਾਰ ਨੂੰ ਹੇਠਾਂ ਲਿਆਉਣ ਲਈ ਮੋਸ਼ਨ ਦਾ ਸਮਰਥਨ ਕਰਨ ਦੀ ਬਜਾਏ ਕਬੇਕ ਲਈ ਲਾਭਾਂ ਲਈ ਗੱਲਬਾਤ ਕਰਨ ਲਈ ਬਲਾਕ ਦੀ ਸਥਿਤੀ ਦੀ ਵਰਤੋਂ ਕਰਨ ਦੀ ਯੋਜਨਾ ਬਣਾਈ ਹੈ। ਪਾਰਟੀ ਕਬੇਕੂਆ ਲੀਡਰ ਪੌਲ ਸੇਂਟ-ਪੀਅਰੇ ਪਾਲਮੌਂਡਾਨ ਬਲੈਂਕੇਟ ਦੀ ਪਹੁੰਚ ਦਾ ਸਮਰਥਨ ਕਰਦਾ ਹੈ ਅਤੇ ਸਰਕਾਰ ਨੂੰ ਢਹਿ-ਢੇਰੀ ਕਰਨ ਦੇ ਵਿਚਾਰ ਦਾ ਵਿਰੋਧ ਕਰਦਾ ਹੈ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਲਿਬਰਲ ਅਤੇ ਕੰਜ਼ਰਵੇਟਿਵ ਦੋਵੇਂ ਕਬੇਕ ਦੀਆਂ ਚਿੰਤਾਵਾਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਹੱਲ ਨਹੀਂ ਕਰਨਗੇ।