18 ਜਨਵਰੀ 2024: ਈਰਾਨ ਨੇ ਪਾਕਿਸਤਾਨ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਹਮਲੇ ਸ਼ੁਰੂ ਕੀਤੇ ਜਿਸ ਨੂੰ ਉਸ ਨੇ ਅੱਤਵਾਦੀ ਸਮੂਹ ਜੈਸ਼ ਅਲ-ਅਦਲ ਦੇ ਠਿਕਾਣਿਆਂ ਵਜੋਂ ਦਰਸਾਇਆ ਹੈ। ਇਹ ਹਮਲਾ ਉਦੋਂ ਹੋਇਆ ਹੈ ਜਦੋਂ ਅਮੈਰੀਕਾ ਨੇ ਯਮਨ ਵਿੱਚ ਹਾਊਦੀ ਟਿਕਾਣਿਆਂ ‘ਤੇ ਹੋਰ ਹਮਲੇ ਕੀਤੇ ਹਨ।ਈਰਾਨ ਦੀ ਸਰਕਾਰੀ IRNA ਨਿਊਜ਼ ਏਜੰਸੀ ਨੇ ਕਿਹਾ ਕਿ ਹਮਲੇ ਵਿਚ ਲੰਘੇ ਮੰਗਲਵਾਰ ਨੂੰ ਮਿਜ਼ਾਈਲਾਂ ਅਤੇ ਡਰੋਨਾਂ ਦੀ ਵਰਤੋਂ ਕੀਤੀ ਗਈ ਸੀ, ਜਿਸ ਨੂੰ ਪਾਕਿਸਤਾਨ ਨੇ ਤੁਰੰਤ ਸਵੀਕਾਰ ਨਹੀਂ ਕੀਤਾ ਸੀ।ਜੈਸ਼ ਅਲ-ਅਦਲ ਇੱਕ ਸੁੰਨੀ ਅੱਤਵਾਦੀ ਸਮੂਹ ਹੈ ਜੋ ਪ੍ਰਮਾਣੂ ਹਥਿਆਰਾਂ ਨਾਲ ਲੈਸ ਪਾਕਿਸਤਾਨ ਵਿੱਚ ਵੱਡੇ ਪੱਧਰ ‘ਤੇ ਸਰਹੱਦ ਪਾਰ ਤੋਂ ਕੰਮ ਕਰਦਾ ਹੈ।
ਇਹ ਪਹਿਲਾਂ ਵੀ ਪਾਕਿਸਤਾਨ ਨਾਲ ਲੱਗਦੇ ਸਰਹੱਦੀ ਖੇਤਰ ਵਿੱਚ ਈਰਾਨੀ ਸੁਰੱਖਿਆ ਬਲਾਂ ‘ਤੇ ਹਮਲੇ ਕਰ ਚੁੱਕਾ ਹੈ।ਦੇਸ਼ ਦੀ ਚੋਟੀ ਦੀ ਸੁਰੱਖਿਆ ਸੰਸਥਾ ਨਾਲ ਜੁੜੇ ਈਰਾਨ ਦੇ ਨੌਰਨਿਊਜ਼ ਨੇ ਕਿਹਾ ਕਿ ਹਮਲਾ ਕੀਤੇ ਗਏ ਟਿਕਾਣੇ ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਵਿੱਚ ਸਥਿਤ ਸਨ। ਇਸ ਦੌਰਾਨ ਈਰਾਨ ਦੀ ਸਰਹੱਦ ਨਾਲ ਲੱਗਦੇ ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਦੇ ਸੂਚਨਾ ਮੰਤਰੀ ਜੈਨ ਅਚਾਕਜ਼ਾਏ ਨੇ ਹਮਲੇ ਦੀ ਪੁਸ਼ਟੀ ਕਰਨ ਜਾਂ ਹਮਲੇ ਦੇ ਇਨਕਾਰ ਕਰਨ ਤੋਂ, ਕੋਈ ਵੀਂ ਬਿਆਨ ਦੇਣ ਤੋਂ ਇਨਕਾਰ ਕਰ ਦਿੱਤਾ।ਇਹ ਹਮਲੇ ਅਜਿਹੇ ਸਮੇਂ ਕੀਤੇ ਗਏ ਹਨ ਜਦੋਂ ਖੇਤਰ ਵਿੱਚ ਵਧੇ ਤਣਾਅ ਅਤੇ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਗਾਜ਼ਾ ਵਿੱਚ ਚੱਲ ਰਹੇ ਯੁੱਧ ਦੇ ਵਿਆਪਕ ਫੈਲਣ ਦਾ ਡਰ ਹੈ।
