30 ਜਨਵਰੀ 2024: ਅਲਬਰਟਾ NDP ਨੇ ਰੇਚਲ ਨੌਟਲੀ ਦੀ ਥਾਂ ਲੈਣ ਲਈ ਆਪਣੀ ਲੀਡਰਸ਼ਿਪ ਮੁਕਾਬਲੇ ਲਈ ਨਿਯਮ ਅਤੇ ਸਮਾਂ-ਸੀਮਾਵਾਂ ਨਿਰਧਾਰਤ ਕੀਤੀਆਂ ਹਨ। ਜ਼ਿਕਰਯੋਗ ਹੈ ਕਿ ਨੌਟਲੀ ਨੇ 16 ਜਨਵਰੀ ਨੂੰ ਐਲਾਨ ਕੀਤਾ ਸੀ ਕਿ ਉਹ ਪਾਰਟੀ ਦੇ ਲੀਡਰ ਦੇ ਅਹੁਦੇ ਤੋਂ ਅਸਤੀਫਾ ਦੇਵੇਗੀ। ਇੱਕ ਨਿਊਜ਼ ਰਿਲੀਜ਼ ਵਿੱਚ, ਪਾਰਟੀ ਨੇ ਕਿਹਾ ਕਿ ਲੀਡਰਸ਼ਿਪ ਦੀ ਦੌੜ 5 ਫਰਵਰੀ ਨੂੰ ਸ਼ੁਰੂ ਹੋਵੇਗੀ ਅਤੇ ਵੋਟਿੰਗ 22 ਜੂਨ ਨੂੰ ਦੁਪਹਿਰ ਨੂੰ ਸਮਾਪਤ ਹੋਵੇਗੀ। ਸੰਭਾਵੀ ਲੀਡਰਸ਼ਿਪ ਪ੍ਰਤੀਯੋਗੀਆਂ ਲਈ Application ਅਤੇ disclosure form ਸੋਮਵਾਰ ਤੋਂ ਪਾਰਟੀ ਤੋਂ ਉਪਲਬਧ ਹੋਵੇਗਾ। ਪਾਰਟੀ ਨੇ ਰੈੱਡ ਡੀਅਰ ਵਿੱਚ ਮੀਟਿੰਗਾਂ ਤੋਂ ਬਾਅਦ ਤਰੀਕਾਂ ਦਾ ਐਲਾਨ ਕੀਤਾ। ਜਾਣਕਾਰੀ ਮੁਤਾਬਕ ਵੋਟਿੰਗ ਵਿੱਚ ਦਿਲਚਸਪੀ ਰੱਖਣ ਵਾਲਿਆਂ ਵਿਚੋਂ ਪਾਰਟੀ ਦੇ ਮੈਂਬਰ ਚੰਗੀ ਸਥਿਤੀ ਵਿੱਚ ਹੋਣੇ ਚਾਹੀਦੇ ਹਨ, ਜਿਸਦਾ ਮਤਲਬ ਹੈ ਕਿ 22 ਅਪ੍ਰੈਲ ਤੱਕ ਆਪਣੀ ਮੈਂਬਰਸ਼ਿਪ ਖਰੀਦਣਾ ਜਾਂ ਰੀਨਿਊ ਕਰਨਾ। Freestad ਨੇ ਕਿਹਾ ਕਿ ਅਲਬਰਟਾ ਐਨਡੀਪੀ ਸੰਵਿਧਾਨ ਮੇਲ-ਇਨ ਬੈਲਟ ਦੇ ਨਾਲ-ਨਾਲ ਔਨਲਾਈਨ ਵੋਟਿੰਗ ਦੀ ਮੰਗ ਕਰਦਾ ਹੈ। ਪਾਰਟੀ ਇੱਕ ਟੈਲੀਫੋਨ ਵਿਕਲਪ ਵੀ ਪ੍ਰਦਾਨ ਕਰੇਗੀ। ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਨਿਯਮਾਂ ਦੇ ਨਾਲ ਮੁਕਾਬਲੇ ਦੀ ਸਾਰੀ ਜਾਣਕਾਰੀ ਅਗਲੇ ਹਫ਼ਤੇ ਇਸ ਦੀ ਵੈੱਬਸਾਈਟ ‘ਤੇ ਉਪਲਬਧ ਹੋਵੇਗੀ। ਦੱਸਦਈਏ ਕਿ ਨੌਟਲੀ ਲਗਭਗ ਇੱਕ ਦਹਾਕੇ ਤੱਕ NDP ਦੀ ਲੀਡਰ ਰਹੀ ਹੈ, ਜਿਸ ਵਿੱਚ 2015 ਤੋਂ 2019 ਯਾਨਿ ਚਾਰ ਸਾਲ ਤੱਕ ਨੌਟਲੀ ਪ੍ਰੀਮੀਅਰ ਰਹੀ ਹੈ। ਜ਼ਿਕਰਯੋਗ ਹੈ ਕਿ ਨੌਟਲੀ ਨੇ ਕਿਹਾ ਕਿ ਉਹ ਉਦੋਂ ਤੱਕ ਆਪਣੇ ਅਹੁਦੇ ਤੇ ਬਣੀ ਰਹੇਗੀ ਜਦੋਂ ਤੱਕ ਪਾਰਟੀ ਲਈ ਲੀਡਰਸ਼ਿਪ ਵੋਟ ਨਹੀਂ ਹੁੰਦੀ। ਅਤੇ ਨਵਾਂ ਲੀਡਰ ਚੁਣੇ ਜਾਣ ‘ਤੇ ਉਹ ਅਹੁਦਾ ਛੱਡ ਦੇਵੇਗੀ।
