ਅਮਰੀਕਾ ਵਿਚ ਇਕ ਭਾਰਤੀ ਵਿਅਕਤੀ ਨੂੰ 13 ਸਾਲਾ ਲੜਕੀ ਨੂੰ ਲੁਭਾਉਣ ਅਤੇ ਉਸ ਨਾਲ ਸਰੀਰਕ ਸਬੰਧ ਬਣਾਉਣ ਦੀ ਕੋਸ਼ਿਸ਼ ਕਰਨ ਦਾ ਦੋਸ਼ੀ ਠਹਿਰਾਇਆ ਗਿਆ ਹੈ। ਅਮਰੀਕਾ ਦੀ ਸੰਘੀ ਅਦਾਲਤ ਨੇ ਵੀਰਵਾਰ ਨੂੰ ਉਸ ਨੂੰ 12 ਸਾਲ ਦੀ ਸਜ਼ਾ ਸੁਣਾਈ।
ਦੋਸ਼ੀ ਵਿਅਕਤੀ 13 ਸਾਲ ਦੀ ਲੜਕੀ ਨਾਲ ਸੋਸ਼ਲ ਮੀਡੀਆ ‘ਤੇ ਗੱਲਬਾਤ ਕਰਦਾ ਸੀ। ਇਸ ਦੌਰਾਨ ਉਸ ਨੇ ਕਈ ਵਾਰ ਉਸ ਨਾਲ ਸਰੀਰਕ ਸਬੰਧ ਬਣਾਉਣ ਦੀ ਇੱਛਾ ਜ਼ਾਹਰ ਕੀਤੀ। ਉਹ ਉਸ ਨੂੰ ਕਈ ਅਸ਼ਲੀਲ ਤਸਵੀਰਾਂ ਵੀ ਭੇਜਦਾ ਸੀ। ਹਾਲਾਂਕਿ, ਇਹ ਪ੍ਰੋਫਾਈਲ ਅਸਲ ਵਿੱਚ ਇੱਕ ਅਮਰੀਕੀ ਗੁਪਤ ਜਾਸੂਸ ਦੁਆਰਾ ਚਲਾਇਆ ਜਾ ਰਿਹਾ ਸੀ।
ਦੋਸ਼ੀ ਵਿਦਿਆਰਥੀ ਵੀਜ਼ੇ ‘ਤੇ ਅਮਰੀਕਾ
‘ਚ ਰਹਿ ਰਿਹਾ ਸੀ। ਅਮਰੀਕਾ ਦੇ ਅਟਾਰਨੀ ਐਰਿਕ ਓਲਸ਼ਨ ਨੇ ਕਿਹਾ ਕਿ ਸਜ਼ਾ ਪੂਰੀ ਹੋਣ ਤੋਂ ਬਾਅਦ ਦੋਸ਼ੀ ਨੂੰ 10 ਸਾਲ ਤੱਕ ਨਿਗਰਾਨੀ ‘ਚ ਰੱਖਣ ਦਾ ਵੀ ਹੁਕਮ ਦਿੱਤਾ ਗਿਆ ਹੈ।
ਮਾਮਲਾ ਸਤੰਬਰ 2022 ਤੋਂ ਅਕਤੂਬਰ 2022 ਦਰਮਿਆਨ ਦਾ ਹੈ। ਗੱਲਬਾਤ ਦੌਰਾਨ ਅਦੂਰੂ ਨੇ ਵਾਰ-ਵਾਰ ਲੜਕੀ ਨੂੰ ਮਿਲਣ ਦੀ ਇੱਛਾ ਜ਼ਾਹਰ ਕੀਤੀ। ਇਸ ਤੋਂ ਬਾਅਦ ਇੱਕ ਦਿਨ ਦੋਵਾਂ ਨੇ ਮਿਲਪਾਰਕ ਟਾਊਨ ਦੇ ਇੱਕ ਪਾਰਕ ਵਿੱਚ ਮਿਲਣ ਦਾ ਫੈਸਲਾ ਕੀਤਾ।
ਜਦੋਂ ਮੁਲਜ਼ਮ ਪਾਰਕ ਵਿੱਚ ਪਹੁੰਚਿਆ ਤਾਂ ਪੁਲੀਸ ਨੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਉਸ ਦਾ ਫੋਨ ਵੀ ਜ਼ਬਤ ਕਰ ਲਿਆ ਗਿਆ। ਫੋਨ ਦੀ ਜਾਂਚ ਦੌਰਾਨ ਪੁਲਸ ਨੂੰ ਉਸ ‘ਚ ਦੋਸ਼ੀ ਦੇ ਸਾਰੇ ਮੈਸੇਜ ਅਤੇ ਅਸ਼ਲੀਲ ਸਮੱਗਰੀ ਮਿਲੀ।
